呢排, 開始咗新嘅學習, 生活開始過得更充實, 少咗時間寫blog. 雖然忙, 但難得我都feel good about myself, 算係呢幾年事業上相對安穩嘅日子.
上個星期, 薯仔嘅舅母過世, 我都有少少傷感. 好在依排唔忙, 可以不荒不忙花兩日時間,送佢最後一程 . 做傳媒, 好多人, 因為工作關係, 有時忙到去唔到殯儀館唔奇, 薯仔亦試過咁樣俾親戚輕微咁怪責. 畢竟唔係 人人認同好多野都係在心中.
在殯儀館, 親戚打發時間, 研究”英雄宴” 的正確寫法, 莫衷一是. 今日上網, 搵到呢段資料, 講”到底解穢酒與英雄宴(飯)有沒有分別”.
http://www.xanga.com/Icyspice/647625752/item.html
昨天神學生問，到底解穢酒與英雄宴(飯)有沒有分別，今天想起這個問題，就在網上找了些解答，綜合成兩個參考資料如下：
(一)按照廣東人傳統習俗，辦喪事後(即先人上山後)，家屬都會安排酒菜招待親朋戚友，如果葬禮後仍需要做法事，完成法事後設之酒菜通常叫做「解穢酒」。「解穢酒」指散席後仍帶孝在身，直至守孝完畢才設「英雄宴」。守孝時間通常係七七四十九日，因為每個「七」都會打齋(俗稱做七)，法事過後，家屬都會招待親友飲食齋菜，俗稱「食七」，但仍有部份古老客家人、圍村人守孝一年才設「英雄宴」脱孝。
如果家屬在先人下葬或火化後不做法事，其後家屬所設嘅酒菜通常叫做「英雄宴」，現今社會大部份人都生活繁忙，通常選擇設「英雄宴」，即便表示除即脱孝。
「解穢酒」的菜式數目不能成雙，免有白事成雙之意，舊時的解穢酒是素食，有七道齋菜和一道糖水，而且要「倒吃」，先甜後鹹，從糖水吃起，象徵把後福留給子孫。「解穢酒」菜式方面並無限制，只要遵照古例，一甜七鹹便可以。
由於象徵白事完結，一般「英雄宴」都有八道菜，以取好事成雙之意，以八道素菜及一款糖水為一席。
雖然名稱、意義上都各有不同，但其實「解穢酒」同「英雄宴」目的都係為家屬、親友作為除憂傷、解污穢的意思。
(二)喪事完畢，主家例設解慰酒筵，以宴請參加喪禮之親友；「解慰」，俗以為是「解穢」，非也。「解穢」之筵，據說亦應稱為「英雄宴」。這樣的稱呼，必屬口耳相傳之誤。竊以為「英雄宴」非也，「纓紅宴」才是對的。「纓」作動詞用，有纏繞的意思。謝靈運《述祖德詩》有云：「兼抱濟物性，而不纓垢氛。」即為「纓」作動詞用之例。辭世者為福壽完人，則可以稱喜而繫紅矣，故謂之「纓紅」。又昔日辦喪事者，經七七家祭，功德完滿，死者木主升上祖先位而受膜拜，亦例於木主之上簪上金花及繫上紅帶；如此之禮亦稱「纓紅」，而非「英雄」。
一睇, 好明顯以往都無跟住咁食法, D酒席係做殯儀嘅Agent 訂嘅, 佢地有幾pro..令人成疑. 當然 , 儀式嘅嘢, 都係做咗求過心安, 無做, 亦都唔需要介意.
好多傳媒人, 工作時廢寢忘食, 以前嘅薯仔, 就試過咁樣搞到有一排勁胃痛. 依家人大咗, 就更加覺得自己傻. Work-life balance, 好多傳媒人都唔識處理, 搞到自己壓力好大, 根住就向d 下屬發洩, 整到成個office 氣氛差晒, 最大件事嘅係, 搞到自己身體同心理健康都差晒, 所以…印象中, 長命嘅傳媒人真係唔多 (邵逸夫爵士係一個例外, 同佢係大老板和識養生之道好有關係)
最近, 受金融海嘯的影響, 有營業部嘅同事已經好明顯feel到d 大客戶都觀望態度, 即時手緊咗,咁敢做campaign住. 對純靠廣告維生嘅免費傳媒 , 影響都會幾大.
薯仔估計, 唔少傳媒如果唔需要擴張業務, 會係下年炒唔少人, 到時又係講天下無不散之筵席嘅時候了.
