咁同掩身盜鈴有咩分別? 咁同六四袁木睜大眼講天安門清場過程中”沒有死一個人，沒有軋傷一個人。” 有咩分別? 以為咁就可以愚弄天下人? 你自己低能唔緊要, 但唔該你唔好當全港觀眾都係傻仔先得架.

今年經濟市道好差, 廣告收入大幅下滑, 傳媒機構正值嚴冬, 理性地及有客觀準則地裁員, 無可厚非. 管理層的責任: 一. 要向股東交待盈利達一定水平 (幫老板搵錢係責任, 否則自己職位都可能不保). 二. 保持公司的長遠競爭力, 削減開支係其中一個方法, 裁員當然唔一定係最佳方法, 但別無他法時施行也算對得住同事.

今次事件最令人心寒之處是: 這一連串反智及涼薄的說話, 是由有多年電視台或廣播工作經驗的管理層說出來, 由一間據說做事很有規章制度, 有超過四十年歷史的、大股東長期持有股份的公司的管理層說出來….這意味著這次亂up不是出於無知, 而是有經過考慮的.

作為一個管理層行政人員, 置個人誠信不顧, 朝三暮四, 企圖妖言惑眾, 不單令自己形象受損, 更令公眾對機構的裁員行動更為反感. 如此反智的屎橋都可以出街, 簡直係屁股指揮腦袋. 如此惡劣的情況, 出現在制度十分穩固, 近乎沒有缺口打破的系統, 可以斷定問題已經病入膏盲…達腦桿死亡程度…無可救藥的境地.

我對”電視” 這個media platform的消失並不失落, 這傳統媒體比較單向, 互動性不及互聯網, 被互聯取代也沒有什麼可惜的. 但由一班如此質素及髮線已向後移的阿伯帶領TVB轉型發展新媒體業務, 唔好再自欺欺人啦.

假如公司提供合理工作量的工作環境, 員工假以時日, 理應能夠掌握好在電視台製作moving image 及event planning 的經驗, 把自己稍稍調整一下, 按理過渡至創意工業內的其他行業發展, 應該沒有問題. 可悲的現實是, 在電視台的基層人員, 例如PA、導演和記者, 可以連績多日朝7晚26, OT到捱病, 恍如一部機器般行屍走肉的做事, 如是這做十年八年, 有能力也未必有晉升機會.

曾經有跟湖南衛視合作過的幕前和幕後, 都不約而同告訴我, “人家湖南衛視的工作人員好pro 呀, 人地成班都係二十幾後生仔, 都可以負責一個大show, 處理得鉅細無遺,” “湖南衛視d 人好醒目 , 好叻, 掂”, “湖南係一個好窮嘅地方, 點解香港咁有錢反而做唔到呢?”

亦曾經有一個中國中央電視台極高級的管理層人員閒聊時告訴我, “我們現在招人都是大學生, 培訓他們擁有全面的技能, 也會調換崗位 (p.s.落實係點我唔知啦)

TVB近年節目的創意、技術質素、新聞操守、管理質素都同時出現倒退跡象, 八十集的台慶劇”珠光寶氣” 、去年512四川地震、2008奧運質素之差都係鐵證, 在內裡的員工, 又能夠拎到幾多有用的經驗及具競爭力的知識做本錢出外闖呢?

我不是TVB的員工, 面對TVB去出有成十億利潤, 依然裁員110人, 管理層仲要夠膽做唔夠膽認, 不知廉恥地妖言惑眾, 香港專業管理人引以為傲的的誠信去咗邊度? 香港傳媒俾呢d 管理層亂搞, 又點會唔俾其他地方的傳媒超越? 香港電視人是「為誰而戰？為何而戰？」

我冷靜, 但更失望…甚至認為絕望, 問題在於, 一班無承擔的管理層和一班毫無企業良心的股東, 在操控香港具壓倒性影響力的電子傳媒. 這是香港電視行業的悲劇, 也是香港社會現時種種醜陋的縮影, 也預言著香港將被淘汰的危機. .

我終於明白友人對香港現況的批示: 除了革命, 別無他途 .

上個星期, 薯仔嘅舅母過世, 我都有少少傷感. 好在依排唔忙, 可以不荒不忙花兩日時間,送佢最後一程 .  做傳媒, 好多人, 因為工作關係, 有時忙到去唔到殯儀館唔奇, 薯仔亦試過咁樣俾親戚輕微咁怪責. 畢竟唔係 人人認同好多野都係在心中.

在殯儀館, 親戚打發時間, 研究”英雄宴” 的正確寫法, 莫衷一是.  今日上網, 搵到呢段資料, 講”到底解穢酒與英雄宴(飯)有沒有分別”.

http://www.xanga.com/Icyspice/647625752/item.html

昨天神學生問，到底解穢酒與英雄宴(飯)有沒有分別，今天想起這個問題，就在網上找了些解答，綜合成兩個參考資料如下： (一)按照廣東人傳統習俗，辦喪事後(即先人上山後)，家屬都會安排酒菜招待親朋戚友，如果葬禮後仍需要做法事，完成法事後設之酒菜通常叫做「解穢酒」。「解穢酒」指散席後仍帶孝在身，直至守孝完畢才設「英雄宴」。守孝時間通常係七七四十九日，因為每個「七」都會打齋(俗稱做七)，法事過後，家屬都會招待親友飲食齋菜，俗稱「食七」，但仍有部份古老客家人、圍村人守孝一年才設「英雄宴」脱孝。 如果家屬在先人下葬或火化後不做法事，其後家屬所設嘅酒菜通常叫做「英雄宴」，現今社會大部份人都生活繁忙，通常選擇設「英雄宴」，即便表示除即脱孝。 「解穢酒」的菜式數目不能成雙，免有白事成雙之意，舊時的解穢酒是素食，有七道齋菜和一道糖水，而且要「倒吃」，先甜後鹹，從糖水吃起，象徵把後福留給子孫。「解穢酒」菜式方面並無限制，只要遵照古例，一甜七鹹便可以。 由於象徵白事完結，一般「英雄宴」都有八道菜，以取好事成雙之意，以八道素菜及一款糖水為一席。 雖然名稱、意義上都各有不同，但其實「解穢酒」同「英雄宴」目的都係為家屬、親友作為除憂傷、解污穢的意思。 (二)喪事完畢，主家例設解慰酒筵，以宴請參加喪禮之親友；「解慰」，俗以為是「解穢」，非也。「解穢」之筵，據說亦應稱為「英雄宴」。這樣的稱呼，必屬口耳相傳之誤。竊以為「英雄宴」非也，「纓紅宴」才是對的。「纓」作動詞用，有纏繞的意思。謝靈運《述祖德詩》有云：「兼抱濟物性，而不纓垢氛。」即為「纓」作動詞用之例。辭世者為福壽完人，則可以稱喜而繫紅矣，故謂之「纓紅」。又昔日辦喪事者，經七七家祭，功德完滿，死者木主升上祖先位而受膜拜，亦例於木主之上簪上金花及繫上紅帶；如此之禮亦稱「纓紅」，而非「英雄」。

一睇,  好明顯以往都無跟住咁食法, D酒席係做殯儀嘅Agent 訂嘅,  佢地有幾pro..令人成疑. 當然 ,  儀式嘅嘢, 都係做咗求過心安, 無做,  亦都唔需要介意.

好多傳媒人, 工作時廢寢忘食, 以前嘅薯仔, 就試過咁樣搞到有一排勁胃痛. 依家人大咗, 就更加覺得自己傻. Work-life balance, 好多傳媒人都唔識處理, 搞到自己壓力好大,  根住就向d 下屬發洩, 整到成個office 氣氛差晒,  最大件事嘅係, 搞到自己身體同心理健康都差晒, 所以…印象中, 長命嘅傳媒人真係唔多 (邵逸夫爵士係一個例外, 同佢係大老板和識養生之道好有關係)

最近, 受金融海嘯的影響, 有營業部嘅同事已經好明顯feel到d 大客戶都觀望態度,  即時手緊咗,咁敢做campaign住. 對純靠廣告維生嘅免費傳媒 , 影響都會幾大.

薯仔估計, 唔少傳媒如果唔需要擴張業務, 會係下年炒唔少人, 到時又係講天下無不散之筵席嘅時候了.

Change嘅主題曲, 揀咗麥當娜嘅Miles Away, 配合番劇中主角由一個只係諗住喺長野接埋教書嘅小學教師, 搖身變成全國敬仰嘅首相嘅心境. 雖然首歌原意係madonna 講佢同老公兩地相思嘅點滴, 但借用喺一個瘋狂社會, 一個人歷盡滄桑, 與別人心靈上似近還遠嘅疏離感, 又出奇地配合 , 成為咗薯仔近排最愛嘅歌.

Madonna – Miles Away.

I just woke up from a fuzzy dream
You never would believe those things that I had seen
I looked in the mirror and I saw your face
You looked right through me, you were miles away

All my dreams they fade away
I’ll never be the same
If you could see me the way you see yourself
I can’t pretend to be someone else

You always love me more, miles away
I hear it in your voice, we’re miles away
You’re not afraid to tell me, miles away
I guess we’re at our best when we’re miles away

So far away
So far away
So far away
So far away
So far away
So far away
So far away
So far away

When no one’s around then I have you here
I begin to see the picture, it becomes so clear
You always have the biggest heart,
When we’re six thousand miles apart

Too much of no sound
Uncomfortable silence can be so loud
Those three words are never enough
When it’s long distance love

You always love me more, miles away
I hear it in your voice, we’re miles away
You’re not afraid to tell me, miles away
I guess we’re at our best when we’re miles away

So far away
So far away
So far away
So far away
So far away
So far away
So far away
So far away

I’m alright, don’t be sorry, but it’s true
When I’m gone you’ll realize
That I’m the best thing that happened to you

You always love me more, miles away
I hear it in your voice, we’re miles away
You’re not afraid to tell me, miles away
I guess we’re at our best when we’re miles a-a-away…

You always love me more, miles away
I hear it in your voice, we’re miles away
You’re not afraid to tell me, miles away
I guess we’re at our best when we’re miles away

So far away
So far away
So far away

做政治人物, 個人意志好多時不能實踐, 唔似做平民時隨心欣欲.

第四集, 講木村想出去一間好受歡迎嘅donut 店, 食新鮮出爐嘅donut, 但因為貴為總理, 貴人事忙, 外去會勞師動眾, 又有美國代表來訪而去不成.

馬英九喺佢嘅書”沉默的魄力”附送嘅DVD錄像, 記錄馬英九曾說要做一個政治家, 不是群眾想要什麼就給什麼, 而是做醫生, 為社會治病.

正所謂苦口良藥, 要醫社會嘅病,  少不免觸及到既得利益集團嘅神經, 換來無理無情嘅反擊.面對困難的政治兩難, 政治家既要機關算盡衡量民意, 又要堅持自己嘅理想, 好多時絞盡腦汁都唔會有兩全之策. 做傳媒, 亦都有類似嘅情況. 要隨波逐流爭讀者同觀眾, 定係堅持自己嘅信念, 身處兩難, 又不能抽身而退, 食住花生等睇戲, 就唯有食多d合桃補吓腦.

人生有時就係咁無奈…但最重要係個種打不死嘅精神, 同埋識得苦中作樂.

“神 舟 七 號 三 位 航 天 員 返 回 地 面 後 ， 第 一 頓 晚 餐 ， 有 蒸 魚 、 宮 爆 雞 丁 、 豆 豉 油 麥 菜 、 薯 仔 絲 和 素 菜 湯 ， 一 共 四 菜 一 湯 。 另 外 還 有 米 飯 、 饅 頭 和 刀 削 麵 。”

像今次航天員食得清清地, 主要都係因為技術上需要, d 搞手唔能夠搵機會花公數大吃大喝, 算係好事.

睇9月25日出版嘅”南方週末” ,  講到航天員之間嘅競爭,  亦講到神七升空對呢班航天員嘅重要性.

“2006年11月，神六顺利飞天后，中国最早的这14名航天员们又一次走入考场，为执行神七任务接受严苛的考核与检验。

虽然考核是经常性的，他们每天的训练都有计划，每个人的表现都记录在案，但神七，依旧显得特别。

中国航天员大队成立已经十年，首批航天员们年龄越来越大，相应的飞天机会也越来越少。

“按照既定的中国载人航天计划，神七飞行完成之后，暂时几年内不再安排航天员上天任务，而更年轻的航天员队伍正进入选拔阶段，下一步空间交互对接以及建立空间站的任务，极可能由年轻一代来承担，神七也许就是一些老航天员们上天的最后机会。”

新華社的報導, 通常香港傳媒都會照錄, 關於神七的報導可以唔駛上去睇.

反而”胡锦涛主持政治局会议 讨论拟提请十七届三中全会审议的文件”, 呢條新聞比較值得留意.三中全會嘅公佈, 將會展現到未來幾年中國領導人嘅國策重心係點.

“会议决定，中国共产党第十七届中央委员会第三次全体会议于１０月９日至１２日在北京召开。”

到時要留意了.

延伸閱讀 :

香港電台即時新聞: 七 航 天 員 返 回 地 面 後 　 首 餐 四 菜 一 湯

新華社 : 胡锦涛主持政治局会议 讨论拟提请十七届三中全会审议的文件

香港傳媒關於事件的報導, 對消費者嘅權益講得唔夠, 除咗講點樣去超級市場退番幾元雪條錢之外, 我最想知如果香港人食咗毒奶粉有事, 要索償嘅法律程序同成本有幾高, 有咩辦法定係無辦法..

你話我咩都上綱上線都好, 我覺得國內咁多”毒品”的無良商人出現, 係十年文革摧殘人性嘅後遺症, 人人為咗自己, 傳統嘅禮義廉恥全都無晒, 咩黑心壞事都做得出. 前排廣東揭陽市殺人取屍亦都另一單睇完令薯仔好唔安樂嘅新聞, 因為人變咗野獸, 人食人,人不如芻狗…

香港傳媒鬧黑心商人, 當然鬧得好熱鬧, 不過睇番今年消費者委員會舉辦嘅”消費權益新聞報導獎” 得獎名單, 新聞組別攞到金牌嘅報導, 就係踢爆香港傳媒不擇手段搵錢嘅報導.

“有線涉謊言教材派員工”係明報嘅記者做臥底, 揭發有線電視嘅銷售部門, 有系統咁教sales講大話, 昆住戶電視同寛頻有問題, 趁機促銷有電視服務.

有線新聞嘅製作, 質素算係穩定地ok, 可惜因為有d 咁嘅管理層容許這些不法嘅皁劣手法促銷, 睇短線唔睇長線, 搞壞公司嘅brand, 令員工面目無光.

明報夠膽踢爆有合作搞開event嘅有線, 算係done a good job 啦. 政治新聞失節嘅明報, 都只好學大陸傳媒, 靠做好民生嘅題材爭取讀者吧!

延伸閱讀:

消費權益新聞報道獎 2008- 得獎名單

網上論壇轉載明報報導資料

晨早六點就要起身搭直通車, @_@..還幸, 食在廣州, 每次上廣州食嘅商務午餐, 都無咩邊次唔係食得好嘅,算係補償番啦.

喺廣州試吓上香港電台同蘋果日報網站, 都上到喎.. 大概因為殘奧依然舉行緊, 至於幾時會睇唔到呢? 真係要有心人日日check吓. 兩年後嘅廣州, 仲可唔可以無阻礙睇到港台同蘋果嘅網頁, 薯仔希望不用by luck.

殘奧…香港傳媒都係一味識講金牌選手, 但對殘疾人士嘅權利 – 特別係運動嘅權利 , 有無過深刻嘅討論呢?我唔覺, 如果有請話我知, 唔該. 我以前同一個殘奧選手傾過偈, 雖然係幾年前, 詳情恕我唔喺度講o剌, 但喺我依然記得清楚.運動員嘅堅持, 同佢地家人嘅努力, 我深信殘奧值得支持.

近排大家都將眼光集中喺大陸, 其實喺台北2009年都會舉辦”聽障奧林匹克運動會”, 大家又知唔知呢?

喺廣州車程沿途向車外望, 見到開始宣傳2010亞運, 奧運才剛落幕, 亞運又上場, 真係夠忙..亞運開幕式, 大家不如估下有咩表演, 嘗試度個rundown出來, 到時睇吓自己估中幾多.

我估一定有:

汪阿姐的表演/ 做MC

八和會館連同廣東的名伶

劉德華, 成龍 唱歌

一大班香港歌星唱歌

導演咩人適合做呢? 諗諗先..

最近搭巴士睇咗一套叫”噢!運小將”嘅卡通(唔sure個名, 因為好憎唔想記住)呢d咁取巧嘅名, 真係令薯仔滴汗. 好驚佢到時亞運, 又出部”呀!運xx”… X_X

從 2008北京奧運, 2009香港東亞運, 2009台北聽障運動會,2010廣州亞運, 將兩岸三地嘅人文質素, 藝術修養, 籌辦大型活動能力比較一下, 應該會幾有趣, 希望幾個城市都”好運”.

延伸閱讀:

台北2009年聽障奧林匹克運動會官方網站

http://www.2009deaflympics.org/tw/index.php

廣州2010亞運會官方網站

http://www.gz2010ag.org/

超群餅店依然在回歸十一年後嘅今日 , 喺新裝修嘅鋪頭拿來做陳設嘅意念, 將肥彭嘅簽名副本印喺當眼位置, 拿來作宣傳蛋撻嘅message.

佢嘅高招, 還幸依然喺大中華地區有接班人.

馬英九同佢嘅幕僚喺舊年寫咗本書叫”鐵馬青春向前走”,  記敘馬英九從南到北每到一個新地方嘅沿途經歷.  書內馬英九對食物嘅讚美之詞甚多,  說地方小食比鮑參翅肚還要美味, 書中更有多張他大啖特食小吃嘅snapshot: 例如馬親自剖開西瓜與車隊成員分甘同味, 同埋著住緊身單車服坐喺bench上啜食雪條嘅相,

佢係唔係真心鍾意食魚丸湯,米粉, 咸粿, 肉粽, 糯米腸唔重要, 只要能夠側寫到馬英九對南部文化同物產嘅欣賞, 就唔會浪費佢用十日去踩單車, 踩到pat pat痛, 唔著底褲只著長褲嘅犧牲. 

食色性也, 食係人共同嘅需要同享受,  (厭食者都鍾意食, 只不過食完扣喉嘔番出來), 亦係同選民淺白咁帶出自己嘅政見同為自己清晰定位嘅工具.  

 長毛(梁國雄)係上次選舉寸田北俊唔知翠華茶餐廳幾錢, 鮮明營造自己既草根形象, 微妙之處, 佢唔係隨便講樓下間茶餐聽幾錢, 而係講全港各區都有分店, 食店檔次不高但食物有一定質素, quality control 幾好嘅食店. 一句說話, 就已經同咗全港選民搭上線,  比你講咩新界東點點發展, 更加有效和鮮明, 作為一個反建制人物,  形象鮮明最重要,  大家唔會期望佢喺議會做到咩嘢. 我唔係話佢個人無能力, 只係佢勢孤力弱, 難在建制內有大作為.  

 薯仔最希望見到有立法會議員候選人篤魚蛋, 用香港街頭icon作為宣傳, 佢同佢嘅幕僚應有一定才智, 值得考慮支持.  of course, I mean 在街邊走鬼檔或者小食店一串串個d,  而唔係去唐樓閣樓既魚蛋檔.

(我唔係話嫖妓唔道德, 而係因為香港社會仲未進步到娼妓合法化. 假如有候選人夠勇願意探訪性工作者, 了解他們背後既故仔, 不怕保守勢力對性工作者污名化嘅壓力,  好似馬英九咁同檳榔西施交流,  薯仔定會投佢一票.)

延伸閱讀 :

馬英九的部落格 – 鐵馬青春向前行 http://blog.yam.com/biketrip

鐵馬青春向前行 – 書本內容簡介

奧運金牌運動員o既風采, 都好近距離睇到

林丹: 真人好似相中o既周杰倫, cool cool 地 , 難得係神情好似. (我未見過jay真人, 唔能夠判斷佢地兩個真人似唔似樣, 因為好多明星, 上鏡同睇真人, 完全可以係兩個樣.)

郭晶晶: 真人ok啦, 好靚….稱唔上喎…各花入各眼啦.

一眾體操選手: 薯仔自問無偏見, 純粹睇佢地外表, 覺得佢地幾個細細粒, 人又瘦, 一唔覺眼, 真係以為係小朋友. 真相係點…..將會係一個X-file.

X-files 無線明珠台又重播Season 1..對真相鍥而不捨的莫探員, 雖然係個虛構角色, 但好值得做新聞的人學習.

完事後, 去了檀島食番個早餐, 無食egg tart, 但就叫o左個奄列早餐. 貨真價實地吃個飽飽.

今日下午因為唔得閒食晏, 直到三點幾”口係”美心快餐食下午茶, 一睇個餐牌, 嚇親, 一個燒鴨粉要成21元, 同前排16-17元, 貴”口左”一截. 我叫”口左”比較抵食的下午茶便當 , 18大元有炒麵, 薯條, 雞翼, 沙律, 甜品連埋熱飲, 樣樣分量唔多, 但以呢個價錢, 有埋甜品食, 都算唔錯, 值得推介.

上星期奧運閉幕禮前一日, 問一個做電視製作的朋友, 有無時間gathering, 順便問佢奧運做成點, 佢第一句話係”執番條命”, 做奧運連踩廿日, 好支力, 但要等到九月頭先得閒.

悠閒下午茶, 快餐店好多時都用呢個phrase做promo…呢個形容詞唔完全適用於傳媒人.

就算記者四圍去,搵快餐店做落腳地方, 都係standby 中, call人, 搵張檯寫或打稿, 好難relax.做採訪或製作的, 多數唔駛好固定時間番工, 又或者坐定定係位, 就情願調節下食飯時間, 唔駛lunch time 同人迫, 慳番多D時間做o野,唔係蛇壬出來hea食下午餐.

所以我決定邀請我那位好友, 搵日有時間去酒店食個ok quality的下午茶. 畢竟, 辛苦搵來志在食. 就算只有傳媒人微薄的人工, afternoon tea 都afford到o既.

上個月某個星期三, 薯仔忙裡偷閒, 咁o岩o係尖沙咀行o左陣, 諗住慰勞一下自己, 去半島食個下午茶high tea, 點知入到去發現, 已經有條排o左至少7-8人的隊等緊.薯仔二話不說, 即時掉頭去也.

貧富懸殊的香港, 無論係有錢人定窮人, 最難得的就係得閒, 係呢個浮躁o既都市, 想食一餐悠閒下午茶…好難.

小賣部有兩款啤酒賣, 青島同Budweisser, 但薯仔唔好啤酒, 無買到. 最搞嘢係因為”伊利”奶係event sponsor, 小賣部都有得賣, 5元包, 天時暑熱, 有咩人會喺口乾到極嘅時候買奶飲呢? 感覺上係類似product placement嘅宣傳, 多過靠賣包奶出去搵錢.

20082年8月12日奧運馬術三項賽頒獎典禮

當晚,天色幾好, 仲有月色照人, 一陣涼浸浸嘅微風從城門河吹來, 幾寫意架.

薯仔因為有識睇馬術嘅朋友係側邊講解, 都follow到成個賽事, 睇睇下都覺得幾有趣.

後來德國選手拎咗團體同個人三項賽金牌,  有一班德國觀眾, 呷住德國最出名嘅冰凍嘅啤酒, fing 下國旗, 唱吓國歌, 開開心心咁enjoy 個party..

薯仔睇見佢地咁開心, 幾乎忘記咗自己身處香港, 加上無工作喺身,  成個人都輕鬆晒.

今晚(Aug 15凌晨)喺番屋企途中用手機睇SCMP, 提到由8月14日開始, 同美食博覽同日開始嘅紅酒展, 報導中嘅外國專家, 話紅酒展唔適合喺八月搞, 因為D參展商都放晒暑假..

飲啤酒, 俾人感覺可能好”佬”, 但能夠同成班老友隊啤牛飲,  暢快過好拘緊咁飲支貴紅酒多多聲啦..

本來, 最近睇完馬術心情都幾好, 可惜無耐就爆出一連串關於奧運開幕禮表演做假同運動員懷疑虛報歲數嘅新聞, 作為中國人, 對住呢d醜聞, 除咗自隊幾杯, 借酒令自己wing wing地無咁清醒, 無咁難過之外, 仲可以點?

中國人幾時先至可以好似德國人咁, 為咗國家實至名歸嘅光榮舉杯暢飲, 而唔係為咗國家政府嘅弄虛作假而借酒銷愁呢?