“大擦特擦”的記者會

最近去咗一個喺酒店舉行嘅記者會, 有醒目同事發現一位阿叔, 西裝畢挺, 舉止斯文 , 但胸前既無掛名牌, 又無同人傾過計. 記者會開始咗, 台上嘉賓係咁講嘢, 佢把口亦無停過係咁食. 食完, 就”鬆”人.

醒目嘅同事懷疑個位阿叔係白撞的, 佢當然無採取任何行動. 只係講出來, 等大家多一個話題而己.

薯仔認為會場入面各款精美小食同飲品都係已出之物, 俾嘉賓任飲任食, 只要佢食得斯斯文文 , 唔好”搞寸/搞cheap 人地個party”, 就算佢呃飯食, 就由佢吧. 佢肯來對主辦機構甚至乎社會可能係好事添!對主辦機構嚟講, 固然可以多個人充撐場面 ; 而對整個社會嚟講, 唔單止可以減少浪費食物, 同埋可以減少”路有凍死骨, 朱門酒肉臭” , 香港社會貧富懸殊嘅情況.
薯仔曾經收到一封email話, 最先註冊去個press con頭幾多位嘅記者, 就可以獲贈價值唔少嘅電子用品配件. 記者如果採訪, 食咗主人家茶禮, 大家仲點可以期望佢地嘅報導無加鹽加醋呢?透過記者會”大擦特擦”的, 除了那類可能無錢開飯的阿叔, 仲有得好少錢開飯嘅香港記者. 邊類騙子危險d呢?

聽講大陸記者去一次記者會, 位位拿個公價三百大元的紅包, 呢d數搵埋仲多過人工.

香港有些記者同傳媒機構, 當被人拎來與大陸同行比較時, 成日話堅持無償採訪, 講到自己頭頂好似有光環咁, 有時薯仔真係覺得…你地只係包裝好些少啫, 你地咪照寫鱔稿, 將採訪淪為買賣. 大陸同行比較均真, 三舊水就三舊水, 而你就想被訪者以後俾獨家料你, 又或者為咗做到名人專訪吸引讀者/ 俾老細賞識 / 或者提高自己知名度, 不惜餵讀者睇鱔稿. 仲差過人地明碼實價. 大陸傳媒能夠form到一個買賣市場, 減低交易費用, 對資本主義嘅實踐, 比諸香港傳媒走得更前, somehow.. 亦更加有香港特色, 同日益向北看嘅香港傳媒人, “相映成趣”.

廣告標識及食物標籤

Facebook有唔少電視節目o既 fans club, 但可能未夠一些反對個別節目的group值得留意. 最近go through 左” IT達人Talk – Damage IT professionals images” o既group, 真係“喜出望外”.

“IT達人Talk – Damage IT professionals images ” Facebook 網址如下：:http://www.facebook.com/group.php?gid=20270115748&ref=nf

睇完其中一集講“IT人係唔係生女多: http://www.youtube.com/watch?v=wpAFo3VptaU

睇完忍唔住笑爆咀, 但就無咩野學到.個節目定位究竟係一個infotainment programme抑或係一個趣劇呢?

“IT達人Talk“只係將個 myth 帶出來, 但就無理性的解答, 有用或新的資料都好少. 譚先生可能係想捧自己做詹瑞文第二而唔只係想參選立法會都未定.

(明報)6月24日 星期二 05:33: 譚偉豪賣廣告涉違規 有意競逐立會IT界別

在明報六月份的報導,”有線電視發言人表示，此廣告是收費商業廣告，並非推銷有線電視的廣告。“

我初時以為”IT達人”係一般mini programme, 睇完覺得內容好騎呢, 雖然擺明係捧譚生, 但就唔知呢個節目係廣告.

我因為只係網上睇, 唔知道個節目播出前和後的情況, 例如有無billboard說明呢個係贊助節目, 唔知有線有無違反相關守則. 這要靠係電視上睇過的觀眾了.

根據廣管局的的“電視通用業務守則 — 廣告標準“第3 章 ： 一般廣告標準中“廣告識別”一項:

“4. 廣告材料應清楚表明是廣告。廣告與節目必須有明顯區別。

5. 應小心評估任何以節目形式（ 例如紀錄片、錄影訪問、烹飪示

範） 拍攝的廣告， 以確保該廣告不會與節目材料混淆。假如廣告所採

用的形式， 未能令人即時察覺其為廣告， 有關廣告必須在開始及結束

時， 以清晰可讀的文字指明本身屬於廣告（ 例如使用附加字幕） 。對

於包含或部分包含家居購物材料的服務， 若廣管局認為該服務或部分

服務的性質， 已向觀眾清楚說明， 則這項規定並不適用。“

明報的報導表示“廣播事務管理局沒有接過有關此廣告的投訴” , 遲d仲係唔係無人理, 就好難講了.

有網友都話唔理解鳴謝的機構同個節目有咩關連, 有網友估計被鳴謝的機構曾借出拍攝場地.

個節目與中大同香港科學園合作情況係點呢? 假如純粹借景俾電視台/ 製作公司拍野, 有無審閱過劇本先俾人拍呢 ？ 提供協助俾呢類騎呢又影響行業形象的節目, 負責批出場地拍攝申請的主管, 應該要俾校友和公眾一個交代.

一間餐廳係唔係掛羊頭賣狗肉, 是否真材實料係一個好值得消費者參考o既指標, 大家千祈唔好恰下恰下, 隨便付鈔.

延伸閱讀： 唔膠都變膠 – MO’s notebook 3 to 4